Faċilità tal-Ħżin tal-Enerġija

Kwalunkwe Faċilità tal-Ħżin tal-Enerġija għandha tikkonforma mar-Regolamenti tal-Elettriku (S.L.545.34) liema Regolamenti jeħtieġu li Faċilità tal-Ħażna tal-Enerġija għandha tiġi nnotifikata lir-Regolatur għas-Servizzi tal-Enerġija u l-Ilma.

Kull persuna li

• tinstalla Faċilità għall-Ħżin tal-Enerġija
• tagħmel bidliet fil- faċilità eżistenti tal-Ħażna tal-Enerġija
• tittrasferrixxi sjieda u/jew operat faċilità tal-ħżin eżistenti 
• tiddekummissjona faċilità eżistenti tal-Ħżin tal-Enerġija
• tirriloka Faċilità tal-Ħażna tal-Enerġija eżistenti

 hija meħtieġ li tinnotifika bil-miktub lir-Regolatur għas-Servizzi tal-Enerġija u l-Ilma
 
Applikanti prospettivi li beħsiebhom jinnotifikaw lir-Regolatur tas-Servizzi tal-Enerġija u l-Ilma b’Faċilità ġdida tal-Ħażna tal-Enerġija jew li jagħmlu bidliet inkluż it-trasferiment tas- faċilità_/rilokazzjoni/dekummissjonar ta’ faċilità eżistenti huma mistiedna jirreferu għal-linji gwida tan-Notifika u l-flow chart
 
Formola tal-Applikazzjoni:

Energy Storage  Notification  form v3

Nota Teknika

Guidance Notes on the Electricity Connection and Supply Regulations

Regolamenti Dwar l-Elettriku (L.S. 545.34)

• Dettalji / numru tal-karta tal-identità jew tal-passaport jew in-numru tar-reġistrazzjoni tal-kumpanija u/jew in-numru tal-VAT tal-applikant skont kif applikabbli;
• Dettalji / numru tal-karta tal-identità jew tal-passaport jew in-numru tar-reġistrazzjoni tal-kumpanija u/jew in-numru tal-VAT tas-sid preċedenti, skont kif applikabbli, f’każ ta’ trasferiment;
• Dettalji / numru tal-karta tal-identità jew tal-passaport jew in-numru tar-reġistrazzjoni tal-kumpanija u/jew in-numru tal-VAT tas-sid il-ġdid, skont kif applikabbli, f’każ ta’ trasferiment;
• Firma tal-applikant bl-idejn (jew tar-rappreżentanti legali kollha f’każ ta’ kumpanija jew soċjetà) meħtieġa fuq il-formola tal-applikazzjoni;
• Firma bl-idejn, tas-sid preċedenti (jew tar-rappreżentanti legali kollha f’każ ta’ kumpanija jew soċjetà) meħtieġa fuq il-formola tal-applikazzjoni f’każ ta’ trasferiment;
• Firma bl-idejn, tas-sid il-ġdid (jew tar-rappreżentanti legali kollha f’każ ta’ kumpanija jew soċjetà) meħtieġa fuq il-formola tal-applikazzjoni f’każ ta’ trasferiment.

• Kopja(i) tal-karta(i) tal-identità jew tal-passaport(i) tal-applikant jew tar-Rappreżentant(i) Legali f’każ ta’ kumpanija / Organizzazzjoni Legali.
• F’każ ta’ kumpanija jew organizzazzjoni, kopja uffiċjali tal-Memorandum u Statut ta’ Assoċjazzjoni tal-kumpanija, jew kopja tal-istatut tal-organizzazzjoni li jindika l-President u s-Segretarju, eż. f’każ ta’ każin tal-banda, jew kopja taċ-ċertifikat tal-VAT jekk l-applikant ikun kummerċjant waħdieni.
• Jekk l-installazzjoni tkun se tiġi installata fuq proprjetà ta’ partijiet terzi, kopja tal-karta tal-identità jew tal-passaport tas-sid jew l-okkupant tas-sit, jew tar-Rappreżentant Legali f’każ li s-sid jew l-okkupant tas-sit ikun kumpanija / Organizzazzjoni Legali, u f’dak il-każ ikun meħtieġ ukoll il-Memorandum u Statut ta’ Assoċjazzjoni tal-kumpanija jew kopja tal-istatut tal-organizzazzjoni li jindika l-President u s-Segretarju.
• Dettalji tekniċi tal-faċilità tal-Ħażna tal-Enerġija u dikjarazzjoni ffirmata minn inġinier elettriku bil-warrant.
• Dikjarazzjoni għall-użu tas-sit għall-installazzjoni tal-Faċilità tal-Ħżin tal-Enerġija li għandha tiġi ffirmata mis-sid u/jew l-okkupant tas-sit tal-installazzjoni.
• Kopja tal-kont tad-dawl ta’ ARMS Ltd f’isem l-applikant fejn se tkun installata u konnessa l-Faċilità tal-Ħżin tal-Enerġija. (mhux applikabbli fil-każ ta’ sistema isolata mill-grilja 2(ii)(d)).
• Ittra li tikkonferma li m’hemmx oġġezzjoni maħruġa minn Enemalta plc- Dipartiment tad-Distribuzzjoni  fil-kas l-inverter(i) il-ġdid/ġodda il-kapaċità  AC se taqbeż 16Amps fuq kwalunkwe waħda mill-fażijiet elettriċi [Taqsima C 6(ii) jew 6(iv)].
• Ritratti approvati minn inġinier elettriku bil-warrant li jindikaw il-pjanċi tal-tally tal-moduli tal-ħażna tal-batterija.
• Ritratt tat-tally plate tal-invertitur(i), datat u bil-firma oriġinali tal-inġinier elettriku bil-warrant. 
• Kopja tal-ftehim mad-DSO – Taqsima C punt 9 (jekk applikabbli).

Talba għal bidla fis-sid:

• F’każ li s-sid il-ġdid ikun:
  • kumpanija, trid tiġi sottomessa kopja tal-Memorandum u Statut ta’ Assoċjazzjoni uffiċjali tal-kumpanija;
  • organizzazzjoni, trid tiġi sottomessa kopja tal-istatut li jidentifika l-President u s-Segretarju, eż. f’każ ta’ każin tal-banda;
  • kummerċjant waħdieni, trid tiġi sottomessa kopja taċ-ċertifikat tal-VAT.

Ma tapplika l-ebda tariffa.

Regolament 59 (1) tar-Regolamenti Dwar l-Elettriku (L.S. 545.34)  jistabbilixxi li kull min jikser xi dispożizzjoni tar-Regolamenti Dwar l-Elettriku jew ta’ xi kondizzjoni tal-liċenzja jew ta’ xi awtorizzazzjoni jew approvazzjoni maħruġa taħthom, ikun ħati ta’ reat u jista’, meta jinsab ħati, jeħel multa ta’ mhux iżjed minn disgħa u sittin elf euro (€69,000) jew ta’ elf u tliet mitt euro (€1,300) għal kull ġurnata li matulha jkompli dak ir-reat.
Regolament 59(2) tar-Regolamenti Dwar l-Elettriku (L.S. 545.34)   jistabbilixxi li kwalunkwe persuna li, meta tkun meħtieġa jew tiġi mitluba informazzjoni taħt dawn ir-regolamenti mir-Regolatur xjentement jew b’negligenza –

1. tagħti informazzjoni falza, mhux eżatta jew qarrieqa; jew 
2. tipprovdi informazzjoni mhux kompluta; jew
3. tonqos, mingħajr ebda raġuni valida, milli tipprovdi l-informazzjoni mitluba fiż-żmien mogħti lilha; jew
4. twaqqaf jew tfixkel xi investigazzjoni; jew
5. iġġib jew tipprovdi, jew tikkaġuna jew xjentement tippermetti li jinġieb jew jiġi provdut, xi dokument jew informazzjoni li tkun taf li hija falza f’xi aspett materjali, 

tkun ħatja ta’ reat u tista’, meta tinstab ħatja, teħel multa ta’ mhux inqas minn elf euro (€1,000) u mhux iżjed minn sittin elf euro (€60,000) għal kull ġurnata li matulha jkompli dak in-nuqqas.

Regolament 59(3)  tar-Regolamenti Dwar l-Elettriku (L.S. 545.34) jistabbilixxi  li  meta persuna tonqos milli tħares id-dispożizzjonijiet tar-regolamenti jew ta’ xi liċenza jew kondizzjoni ta’ awtorizzazzjoni għal perjodu ta’ mhux iżjed minn tliet (3) xhur, ir-Regolatur jista’ jirrevoka dik il-liċenza jew awtorizzazzjoni.

Regolamenti 60(1) u 60(2)  tar-Regolamenti Dwar l-Elettriku (L.S. 545.34)  jistabbilixxu li r-Regolatur jista’ jimponi multa amministrattiva fuq kull persuna li tikser xi dispożizzjoni tar-regolamenti jew li tonqos milli tikkonforma ma’ xi direttiva jew deċiżjoni mogħtija mir-Regolatur biex jiżgura konformità mar-regolamenti u din il-multa:

1. ma għandhiex  teċċedi mitt elf euro (€100,000) għal kull kontravenzjoni u, jew sitt mitt euro (€600) għal kull ġurnata ta’ nuqqas ta’ konformità, mid-data tal-għoti tad-deċiżjoni tar-Regolatur:
2. f’każ ta’ intrapriżi, inklużi intrapriżi integrati vertikalment jew korp ġuridiku, multa sa għaxra fil-mija (10%) talqligħ annwali konċernat fis-sena kummerċjali preċedenti tista’ tiġi imposta ukoll jekk dik il-multa tirriżulta f’ammont li jaqbeż il-limitu ta’ mitt elf euro (€100,000).
    

• L-ebda perjodu speċifiku għat-tlestija tal-proċedura ma huwa stabbilit bil-liġi.
• Ġeneralment, applikazzjoni tiġi pproċessata fi żmien 10 ijiem sakemm ma jkunu meħtieġa l-ebda kjarifiki u/jew spezzjoni tas-sit.

B’mod ġenerali, il-Liġi Amministrattiva Maltija tistabbilixxi li fin-nuqqas ta’ risposta din hija interpretata li tkun ekwivalenti għal rifjut u l-applikant għandu dritt li jappella.

Kwalunkwe deċiżjoni meħuda mir-Regolatur, inkluż ir-rifjut ta’ applikazzjoni tista’ tkun soġġetta għal appell quddiem it-Tribunal ta’ Reviżjoni Amministrattiva stabbilit bl-Artikolu 5 tal-Att dwar il-Ġustizzja Amministrattiva.

Trid tissottometti l-formola tal-applikazzjoni flimkien mad-dokumentazzjoni assoċjata kollha msemmija fil-formola tal-applikazzjoni jew bil-posta jew bl-idejn lil:
Regolatur għas-Servizzi tal-Enerġija u l-Ilma
Zentrum Business Centre,
Level 1,
Mdina Road,
Qormi, QRM 9010,
Malta.