Sejħa għall-Offerti (ITB) 2025
F’konformità mal-miri tal-Gvern li jżid il-konsum tal-elettriku minn sorsi rinnovabbli, il-Ministeru għall-Ambjent, l-Enerġija u l-Indafa Pubblika (MEEC) (‘Awtorità Kontraenti’) nieda skema oħra ta’ Stedina għall-Offerti (ITB) għall-għoti ta’ appoġġ finanzjarju għall-elettriku ġġenerat minn installazzjonijiet li jipproduċu elettriku minn sorsi ta’ enerġija rinnovabbli b’kapaċità ta’ 40kW jew aktar. L-iskemi tal-ITB huma regolati mir-Regoli tal-Offerti Kompetittivi għal Installazzjonijiet li Jipproduċu Elettriku minn Sorsi ta’ Enerġija Rinnovabbli. (SL 545.39)
Stedina għall-Offerti (ITB) għal Appoġġ Finanzjarju għall-elettriku minn Installazzjonijiet li Jipproduċu Elettriku minn Sorsi Rinnovabbli b’Kapaċità minn 40kWp sa inqas minn 1000kWp
L-iskema l-ġdida tikkonsisti f’żewġ sejħiet għall-għoti ta’ għajnuna finanzjarja għall-elettriku prodott minn installazzjonijiet ġodda ta’ enerġija rinnovabbli b’kapaċitajiet ta’ ġenerazzjoni tal-elettriku li jvarjaw minn 40kW sa inqas minn 200kW u minn 200kW sa inqas minn 1000kW. Kull waħda minn dawn is-sejħiet tikkonsisti f’żewġ Stediniet għall-Offerti (ITB) separati, ITB wieħed għal kull kategorija ta’ kapaċità li jaħdmu fl-istess ħin, kif ġej:
| Sejħa tal-ITB | Data tal-Bidu għas-Sottomissjoni tal-Offerti (nofsinhar) | Data tal-Għeluq għas-Sottomissjoni tal-Offerti (nofsinhar) |
| Sejħa Nru. 1 | Il-Ġimgħa, 27 ta’ Ġunju 2025 | Il-Ġimgħa, 04 ta’ Lulju 2025 |
| Sejħa Nru. 2 | Il-Ġimgħa, 10 ta’ Ottubru 2025 | Il-Ġimgħa, 17 ta’ Ottubru 2025 |
Id-dokumenti tal-offerta u l-informazzjoni rilevanti l-oħra kollha huma disponibbli fuq il-websajt tar-REWS fuq: https://rews.org.mt/tenders/
L-Iskema ITB tnediet permezz tal-GN 763 tal-2025
Stedina għall-Offerti (ITB) għal Appoġġ Finanzjarju għall-Elettriku minn Installazzjonijiet li Jipproduċu Elettriku minn Sorsi ta’ Enerġija Rinnovabbli b’Kapaċità ta’ 1000kW jew aktar
Stedina waħda għall-Offerti (ITB) għall-għoti ta’ għajnuna finanzjarja għall-elettriku prodott minn installazzjonijiet ġodda minn installazzjonijiet li jipproduċu elettriku minn sorsi ta’ enerġija rinnovabbli b’kapaċità ta’ ġenerazzjoni tal-elettriku ta’ 1MW jew aktar. Il-kapaċità totali disponibbli għall-għoti tal-appoġġ hija ta’ 38,000kW. Il-perjodu għas-sottomissjoni tal-offerti jibda fil-25 ta’ Lulju 2025, f’nofsinhar u jagħlaq fl-1 ta’ Awwissu 2025, f’nofsinhar.
Id-dokumenti tal-offerta u l-informazzjoni rilevanti l-oħra kollha huma disponibbli fuq il-websajt tar-REWS fuq: https://rews.org.mt/tenders/
Il-proċess tal-għażla tal-ITB huwa ħlas skont l-offerta (pay as bid) bbażat fuq l-irħas prezzijiet offruti u l-kapaċità disponibbli għall-allokazzjoni. Japplikaw il-kundizzjonijiet ippubblikati fid-dokument rilevanti tal-ITB.
L-iskema tal-ITB qed tiġi amministrata mir-Regolatur għas-Servizzi tal-Enerġija u l-Ilma (REWS). Id-dokumenti tal-ITB se jkunu disponibbli fuq il-websajt tar-REWS mis-16 ta’ Mejju 2025.
Jekk jogħġbok innota li laqgħa virtwali ta’ kjarifika b’konnessjoni mal-Iskema ITB għall-2025 hija ppjanata għall-Ħamis 29 ta’ Mejju 2025 fl-10.00am. Il-parteċipazzjoni f’din il-laqgħa se tkun b’istedina. Dawk li ser ikunu qed jagħmlu offerti prospettivi u interessati li jipparteċipaw f’din il-laqgħa għandhom jinfurmaw lir-Regolatur għas-Servizzi tal-Enerġija u l-Ilma permezz ta’ email sal-10.00am tal-Erbgħa 28 ta’ Mejju 2025 lil regulator@rews.org.mt.
L-applikanti prospettivi jistgħu jibagħtu kwalunkwe mistoqsija dwar l-ITB permezz ta’ email lil:regulator@rews.org.mt
L-Iskema ITB tnediet permezz tal-GN 762 tal-2025
Nota dwar l-Element tal-Għajnuna mill-Istat Klawżola 4.2 tal-ITB
Laqgħa ta’ Kjarifiki 29 ta’ Mejju 2025 Preżentazzjoni
