Mistoqsijiet relatati mal-Iċċarġjar ta’ Vetturi Elettriċi
L-infrastruttura tal-iċċarġjar tal-vetturi elettriċi aċċessibbli għall-pubbliku hija infrastruttura tal-iċċarġjar (pilastri tal-iċċarġjar/punti tal-iċċarġjar) miftuħa għall-użu tal-pubbliku ġenerali. Il-punti tal-iċċarġjar installati għall-użu personali jew għall-użu tal-flotta ta’ vetturi tal-istess entità jew dawk b’aċċess ristrett għal ċirku limitat u determinat ta’ persuni, bħal parkeġġi f’bini ta’ uffiċċji li għalihom għandhom aċċess biss l-impjegati jew persuni awtorizzati, mhumiex ikkunsidrati bħala infrastruttura tal-iċċarġjar aċċessibbli għall-pubbliku.
Skont ir-Regolamenti dwar Infrastruttura għall-Iċċarġjar tal-Vetturi Elettriċi Aċċessibbligħall-Pubbliku (S.L.545.38) , l-operaturi ta’ punti tal-iċċarġjar aċċessibbli għall-pubbliku jeħtieġu awtorizzazzjoni tal-PCIO maħruġa mir-REWS, irrispettivament mill-post ta’ fejn jinsabu dawn il-punti, jiġifieri jekk jinsabux fuq proprjetà pubblika jew privata.
Kwalunkwe sole trader kumpanija, organizzazzjoni legali jew sħubija eċċ. tista’ tapplika biex tikseb Awtorizzazzjoni mir-Regolatur għas-Servizzi tal-Enerġija u l-Ilma (jew REWS fil-qosor) biex tinħarġilha Awtorizzazzjoni bħala PCIO. M’hi meħtieġa l-ebda esperjenza u fatturat finanzarju tal-applikant/kumpanija eċċ. mhux se jkun fattur determinanti fl-għoti jew ċaħda ta’ din l-Awtorizzazzjoni. Madankollu, l-applikazzjoni sottomessa lir-REWS trid tinkludi pjan operattiv qasir li jinkludi l-istruttura organizzattiva tal-operatur, in-numru u t-tip ta’ punti ta’ ċċarġjar li hu ppjanat, u l-post fejn se jitħaddmu/jkunu installati.
Ir-Regolamenti dwar l-Infrastruttura tal-Iċċarġjar tal-Vetturi Elettriċi Aċċessibbli għall-Pubblikarju (L.S. 545.38) daħlu fis-seħħ fit-13 ta’ Novembru 2022; jiġifieri, xahrejn wara d-data tal-pubblikazzjoni tar-regolamenti (A.L.226 of 2022) fil-Gazzetta tal-Gvern tat-13 ta’ Settembru 2022. Wara din id-data għandek bżonn awtorizzazzjoni biex topera l-punti tal-iċċarġjar aċċessibbli għall-pubbliku.
Il-formoli tal-applikazzjoni biex tapplika għal awtorizzazzjoni u biex tirreġistra l-punti tal-iċċarġjar imħaddma taħt l-awtorizzazzjonijiet jistgħu jitniżżlu mill-websajt tar-REWS: https://www.rews.org.mt/mt/services/vetturi-elettrici/
It-tariffi tal-elettriku applikabbli huma dawk stabbiliti mir-Regolamenti dwar il-Konnessjoni u l-Provvista tal-Elettriku (L.S. 545.41) għall-iċċarġjar ta’ vetturi elettriċi f’bini mhux residenzjali. Sommarju tat-Tariffi tal-Elettriku Approvati għall-Iċċarġjar ta’ Vetturi Elettriċi jista’ jinstab fuq il-websajt tar-REWS: https://www.rews.org.mt/mt/consumer-information/tarrifi-rregolati-tal-elettriku/
PCIO awtorizzat / Operatur ta’ punti ta’ ċċarġjar aċċessibbli għall-pubbliku (PCIO) jista’ jitlob prezz ogħla (premium) mit-tariffi stabbiliti tal-elettriku sabiex ikopri l-ispiża tas-servizz li qed joffri. Dan il-prezz huwa determinat mill-PCIO u mhuwiex regolat. Madankollu, il-PCIO għandu juri b’mod separat u ċar il- prezz tal-komponent tal-elettriku mill-premium.
PCIO awtorizzat huwa marbut bir-regolamenti li juri l-komponent tal-elettriku (rata ta’ tariffa fissa kif stabbilita mir-Regolamenti dwar il-Provvista tal-Elettriku) separatament mill-komponenti l-oħra tal-prezz li jkopru l-ispejjeż tal-operazzjoni tal-punt tal-iċċarġjar.
Il-komponent tat-tariffa tal-elettriku diġa’ tinkludi l-VAT u għalhekk m’għandu jkun hemm l-ebda żieda f’dan il-prezz bħala trasferiment. Taxxa fuq il-Valur Miżjud (VAT) bir-rata ta’ tmintax fil-mija (18%) hija applikabbli fuq il-premium li l-operatur tal-punt tal-iċċarġjar jista’ jiddetermina u jitlob bħala ħlas addizjonali għall-użu tal-infrastruttura tal-iċċarġjar tal-EV.
Fil-każijiet kollha, il-Korporazzjoni Enemalta se tinstalla arloġġ tad-dawl tal- EV wieħed għal kull kont reġistrat mal-kumpanija ARMS skont ir-rating meħtieġ li miegħu jistgħu jiġu konnessi punti ta’ ċċarġjar.
It-tariffi applikabbli għall-konnessjoni mal-grilja huma dawk stabbiliti mir- Regolamenti dwar il-Konnessjoni u l-Provvista tal-Elettriku (L.S. 545.41).
Sommarju tat-tariffi applikabbli għall-installazzjoni tal-arloġġ tad-dawl tal-EV fuq servizz tal-elettriku eżistenti huwa disponibbli fuq:
https://www.rews.org.mt/mt/consumer-information/tarrifi-rregolati-tal-elettriku
Għal aktar dettalji dwar xenarji speċifiċi, wieħed irid jikkomunika mal-Korporazzjoni Enemalta, l-operatur tas-sistema ta’ distribuzzjoni (DSO), billi jibgħat email lil: evconsult.em@enemalta.com.mt
Le, PCIO awtorizzat huwa obbligat li jippermetti lill-utenti tal-EV jużaw kwalunkwe punt ta’ ċċarġjar mingħajr il-ħtieġa ta’ kuntratt, l-hekk imsejjaħ iċċarġjar Ad hoc.
Iva, huwa possibbli li jiġi offrut kuntratt għall-iċċarġjar ta’ vetturi elettriċi.
Iva; apparti l-iċċarġjar Ad hoc, PCIO jista’ joffri wkoll arranġamenti ta’ ċċarġjar ibbażati fuq kuntratt lill-utent tal-EV u/jew servizzi ta’ roaming lil utenti tal-EV li għandhom kuntratt ma’ operaturi oħra. Operatur li joffri servizz ta’ ċċarġjar fuq bażi kuntrattwali f’isem operaturi oħra jista’ jipprovdi dan is-servizz permezz ta’ konnessjoni diġitali tal-infrastruttura tal-iċċarġjar aċċessibbli għall-pubbliku ma’ pjattaforma ta’ interoperabbiltà, kemm jekk ġestita mill-istess operatur ta’ infrastruttura tal-iċċarġjar aċċessibbli għall-pubbliku kif ukoll minn partijiet terzi.
Ir-Regolamenti dwar Infrastruttura għall-Iċċarġjar tal-Vetturi Elettriċi Aċċessibbligħall-Pubblika (L.S. 545.38), regolament 11 jirrikjedi li l-Protokoll Miftuħ tal-Punt tal-Iċċarġjar (jew OCPP) għandu jintuża għall-iskambju ta’ data bejn il-punti tal-iċċarġjar u s-sistema ta’ ġestjoni tal-punt tal-iċċarġjar; u l-Interface Miftuħa tal-Punt tal-Iċċarġjar (OCPI) bejn is-sistema ta’ ġestjoni tal-punt tal-iċċarġjar u l-pjattaformi li jipprovdu servizzi ta’ iċċarġjar (servizzi ta’ mobilità elettronika) u servizzi ta’ roaming.
Il-Malta Enterprise tista’ tiggwida lil kull applikant fuq bażi individwali lejn numru ta’ skemi tal-UE u krediti/għotjiet oħra tat-taxxa li huma disponibbli għal intrapriżi żgħar u ta’ daqs medju (jew SMEs fil-qosor).
Il-punti tal-iċċarġjar personali jistgħu jiġu installati biss ġewwa proprjetajiet privati u jintużaw f’dawn il-proprjetajiet privati.
Iżjed tagħrif dwar fejn jinsabu Punti tal-Iċċarġjar Aċċessibbli għall-Pubbliku eżistenti installati mill-Gvern u informazzjoni oħra jinstab fuq: https://chargemyride.mt/
It-tariffi tal-elettriku applikabbli huma dawk stabbiliti mir- Regolamenti dwar il-Konnessjoni u l-Provvista tal-Elettriku (L.S. 545.41) għall-iċċarġjar ta’ vetturi elettriċi f’bini mhux residenzjali. Sommarju tat-Tariffi tal-Elettriku Approvati għall-Iċċarġjar ta’ Vetturi Elettriċi jista’ jinstab fuq il-websajt tar-REWS, link: https://www.rews.org.mt/mt/consumer-information/tarrifi-rregolati-tal-elettriku/
Le, il-punti tal-iċċarġjar installati għal użu privat m’għandhomx bżonn awtorizzazzjoni skont ir- Regolamenti dwar Infrastruttura għall-Iċċarġjar tal-Vetturi Elettriċi Aċċessibbli għall-Pubblika (L.S. 545.38).
Wieħed jista’ japplika ma’ ARMS Limited biex jinstalla arloġġ tad-dawl iddedikat għall-iċċarġjar tal-vettura elettrika. F’dan il-każ, it-tariffa barra l-ħinijiet peak tapplika għall-konsum tal-elettriku għall-iċċarġjar tal-vettura elettrika (EV) matul il-ħinijiet peak. Il-prezz ta’ kwalunkwe unità kkunsmata għall-iċċarġjar tal-EV barra l-ħinijiet peak jiġi kkalkulat bit-tariffi applikabbli b’mod kumulattiv mal-konsum l-ieħor tar-residenza tal-individwu. Aktar dettalji jistgħu jinstabu fuq:
https://www.rews.org.mt/mt/consumer-information/tarrifi-rregolati-tal-elettriku/
Iva, wieħed jista’ japplika ma’ ARMS Limited biex jingħata arloġġ tad-dawl għall-iċċarġjar tal-EV fl-ispazju tal-karozza.
Iva, wieħed jista’ japplika ma’ ARMS Limited sabiex il-Korporazzjoni Enemalta tinstalla l-arloġġ tad-dawl għall-iċċarġjar tal-EV fl-ispazju tal-karozza.
Għal paragun tal-prezz medju biex issuq mitt kilometru (100km) b’vettura elettrika u b’vettura konvenzjonali, agħfas hawn.
