Skema tal-2020 tal-Ħġieġ Doppju għal Residenti ta’ Birżebbuġa (Magħluqa)
L-iskema ġiet eżawrita. Illum l-aħħar biex wieħed japplika. Minn għada jingħalaq l-aċċess biex wieħed ikun jista’ japplika.
L-Iskema tal-Ħġieġ Doppju għal residenti ta’ Birżebbuġa hi amministrata mir-Regolatur għas-Servizzi tal-Enerġija u l-Ilma bl-iskop li tgħin lis-sidien tad-djar f’Birżebbuġa, sabiex jibdlu kwalunkwe aperturi ta’ fuq barra li huma antikwati jew ineffiċjenti u minflokhom jagħmlu oħrajn b’iżolament aħjar tal-ħsejjes.
Din l-iskema hi regolata permezz tal-Avviż tal-Gvern numru 1375 tal-2020.
Applikanti prospettivi huma mistiedna jikkonsultaw il-Linji Gwida għall-Applikanti li tħejjew bħala għajnuna biex timtela l-formola ta’ applikazzjoni għal għotja fuq l-installazzjoni ta’ ħġieġ doppju.
Il-formola ta’ applikazzjoni hi maqsuma f’żewġ partijiet. L-applikanti għandhom jimlew Parti A tal-applikazzjoni bid-dettalji personali tagħhom. Parti A għandha tiġi mimlija u sottomessa lir-REWS qabel jinxtara u jiġi installat it-tagħmir.
Skema tal-2019 tal-Ħġieġ Doppju għal Residenti ta’ Birżebbuġa
- Parti A li trid timtela qabel jew wara li jinxtara t-tagħmir: Ħolqa għal Applikazzjoni Online
Malli t-tagħmir jiġi installat u kkummissjonat, l-applikanti huma mitluba jissottomettu Parti B tal-applikazzjoni flimkien mad-dokumentazzjoni kollha meħtieġa.
Skema tal-2020 tal-Ħġieġ Doppju għal Residenti ta’ Birżebbuġa
- Parti B li trid timtela wara l-installazzjoni u l-kummissjonar: Ħolqa għal Applikazzjoni Online
Avviż tal-Gvern numru tal-2020
Linji Gwida għall-Applikanti
- Dettalji tal-karta tal-identità jew id-dokument ta’ residenza tal-applikant;
- Firma tal-applikant bl-idejn meħtieġa fuq il-formola tal-applikazzjoni.
Għal Parti A
- Formola tal-applikazzjoni online
Għal Parti B
- Irċevuti fiskali oriġinali;
- Ritratti tal-prodott installat;
- Kopja tal-karta tal-identità jew id-dokument ta’ residenza tal-applikant;
- Kopja tal-garanzija ta’ ħames (5) snin fir-rigward tas-sistema;
- Ċertifikat tal-kummissjonar maħruġ mill-installatur;
- Formola tal-applikazzjoni ffirmata.
Mhux applikabbli
Mhux applikabbli
Il-liġi ma tistabbilixix perjodu speċifiku biex jiġu pproċessati l-applikazzjonijiet. Ġeneralment, applikazzjoni tiġi determinata mir-Regolatur fi żmien ħames (5) ġimgħat minn meta tiġi sottomessa formola ta’ applikazzjoni kompluta.
Min-naħa tal-applikant hemm perjodu ta’ sitt (6) xhur li matulhom trid issir l-installazzjoni u l-kummissjonar tas-sistema, inkluż is-sottomissjoni ta’ Parti B u d-dokumentazzjoni kollha relatata.
Ġeneralment, il-Liġi Amministrattiva ta’ Malta tistabbilixxi li n-nuqqas ta’ tweġiba titqies bħala ekwivalenti għal ċaħda u l-applikant għandu d-dritt ta’ appell.
Kull deċiżjoni li tittieħed mir-Regolatur, inkluż ċaħda t’applikazzjoni jew irtirar t’awtorizzazzjoni jew liċenzja, tista’ tkun soġġetta għal appell quddiem il-Kumitat ta’ Reviżjoni jew għal kwalunkwe mezz ieħor ta’ rimedju stabbilit mil-liġi.
Tista’ tissottometti l-formola tal-applikazzjoni flimkien mad-dokumentazzjoni kollha relatata mal-formola tal-applikazzjoni, bil-posta jew inkella bl-idejn indirizzata lil:
Ir-Regolatur għas-Servizzi tal-Enerġija u l-Ilma,
Zentrum Business Centre, Livell 1
Triq l-Imdina
Ħal Qormi QRM 9010,
Malta.
