REMIT
Ir-Regolament tal-UE dwar l-Integrità u t-Trasparenza tas-Swieq tal-Enerġija bl-Ingrossa (REMIT) (Nru 1227/2011) jirrikjedi li l-parteċipanti fis-suq jirrappurtaw il-kuntratti tas-suq tal-enerġija bl-ingrossa (jiġifieri kuntratti għall-gass u l-elettriku, il-provvista u t-trasport – inkluż id-derivattivi) fi ħdan l-UE lilACER. Ir-REMIT jipprovdi qafas konsistenti speċifiku madwar l-UE għas-swieq tal-enerġija bl-ingrossa u dan jikkonsisti prinċipalment mit-tliet pilastri ewlenin li ġejjin:
- Il-projbizzjoni tal-abbuż/manipulazzjoni tas-suq u n-negozjar b’informazzjoni privileġġjata u l-obbligu li tiġi ppubblikata informazzjoni privileġġjata
- L-implimentazzjoni ta’ qafas ta’ rappurtar tad-data u ta’ tranżazzjonijiet biex ikun jista’ jsir monitoraġġ tas-swieq madwar l-UE mill-Aġenzija għall-Kooperazzjoni tar-Regolaturi tal-Enerġija (ACER).
- Dispożizzjoni biex jiġi żgurat li fejn il-monitoraġġ tas-swieq jindika abbuż potenzjali tas-suq, l-inċidenti jiġu investigati u tittieħed azzjoni.
L-aħħar dokumenti tal-ACER Q&A dwar REMIT ipprovduti mill-ACER, inkluż fir-rigward tal-proċess ta’ reġistrazzjoni, huma disponibbli billi tikklikkja hawn.
Reġistrazzjoni bħala parteċipant fis-suq
Il-parteċipanti fis-suq taħt REMIT huma meħtieġa jirreġistraw mal-awtorità regolatorja nazzjonali fl-istat membru Ewropew fejn huma stabbiliti jew residenti jew, jekk mhumiex stabbiliti jew residenti fl-Unjoni Ewropea, fi stat membru fejn huma attivi. Ir-reġistrazzjoni trid isseħħ qabel il-parteċipanti fis-suq jidħlu fi tranżazzjonijiet.
Is-sistema għar-reġistrazzjoni tissejjaħ is-Centralised European Registry for Energy Market Participants (CEREMP). Is-CEREMP hija pjattaforma bbażata fuq il-web żviluppata mill-ACER u l-awtoritajiet regolatorji nazzjonali għall-użu mill-parteċipanti fis-suq biex jissodisfaw l-obbligi tar-REMIT ta’ reġistrazzjoni.
Biex tirreġistra jekk jogħġbok agħfas fuq il-link li ġej: parteċipant fis-suq permezz tas-CEREMP
Rappurtar ta’ tranżazzjonijiet suspettużi
Skont ir-REMIT, il-korpi jew il-persuni li jirranġaw tranżazzjonijiet huma meħtieġa jirrappurtaw “tranżazzjonijiet suspettużi”, jiġifieri fejn ikun hemm “raġunijiet raġonevoli” biex wieħed jissuspetta li t-tranżazzjoni tista’ tikkostitwixxi “abbuż tas-suq”, bħal abbuż minn insider dealing jew manipulazzjoni tas-suq.
Aktar informazzjoni dwar it-tipi ta’ mġiba li jistgħu jikkostitwixxu negozjar b’informazzjoni privileġġjata jew manipulazzjoni tas-suq tista’ tinstab fl-aħħar verżjoni tal-implimentazzjoni tar-REMIT maħruġa mill-ACER.
Biex tirrapporta tranżazzjoni suspettuża tista’ tuża l-: Pjattaforma ta’ Notifika tal-ACER Ladarba tiġi sottomessa, ir-REWS tiġi infurmata fejn rilevanti.
