Awtorizzazzjoni għall-Operazzjoni ta’ Stazzjon minn fejn jimtela l-Petroleum

Awtorizzazzjoni għall-Operazzjoni ta’:

• Stazzjon minn fejn Jimtela l-Petroleum (PFS) – Post għall-Bejgħ bl-Imnut
• Stazzjon minn fejn Jimtela l-Petroleum (PFS) – Post Kummerċjali

Ir-Regolatur għas-Servizzi tal-Enerġija u l-Ilma joħroġ awtorizzazzjonijiet lil persuni biex joperaw stazzjonijiet minn fejn jimtela l-petroleum skont ir-Regolamenti dwar il-Petroleum għas-Suq tal-Karburanti bl-Imnut fuq l-Art – L.S. 545.22.

Kull persuna (inkluż persuna ġuridika) li beħsiebha:

1. topera stazzjon minn fejn jimtela l-petroleum – post għall-bejgħ bl-imnut;
2. iġġedded awtorizzazzjoni ta’ stazzjon minn fejn jimtela l-petroleum – post għall-bejgħ bl-imnut;
3. tittrasferixxi awtorizzazzjoni ta’ stazzjon minn fejn jimtela l-petroleum – post għall-bejgħ bl-imnut;

għandha tapplika bil-miktub lir-Regolatur għas-Servizzi tal-Enerġija u l-Ilma u għandu jkollha fil-pussess tagħha awtorizzazzjoni maħruġa mir-Regolatur taħt dawn ir-regolamenti qabel ma topera dak l-istazzjon fejn jimtela l-petroleum, u twettaq u teżerċita dik l-attività ta’ servizz.

“Post għall-bejgħ bl-imnut” tfisser post minn fejn il-pubbliku jista’ jixtri l-karburanti għall-vetturi.

Applikanti prospettivi mistiedna jirreferu għall-Mudell ta’ Awtorizzazzjoni għal PFS – Post għall-Bejgħ bl-Imnut sabiex jiksbu idea ċara tal-awtorizzazzjonijiet ta’ dan it-tip li jinħarġu mir-REWS.

Applikazzjoni għall-Ħruġ, Tiġdid jew Trasferiment ta’ Awtorizzazzjoni għal PFS:

Formola Elettronika Stazzjon tal-Petroleum – Post għall-Bejgħ bl-Imnut
Formola Stazzjon tal-Petroleum – Post għall-Bejgħ bl-Imnut (Verżjoni bl-Ingliż)  REWS/106/v10-04-06/23

Ir-Regolatur għas-Servizzi tal-Enerġija u l-Ilma joħroġ awtorizzazzjonijiet lil persuni biex joperaw stazzjonijiet minn fejn jimtela l-petroleum skont ir-Regolamenti dwar il-Petroleum għas-Suq tal-Karburanti bl-Imnut fuq l-Art – L.S. 545.22.

Kull persuna (inkluż persuna ġuridika) li beħsiebha:

1. topera stazzjon minn fejn jimtela l-petroleum – post kummerċjali;
2. iġġedded awtorizzazzjoni ta’ stazzjon minn fejn jimtela l-petroleum – post kummerċjali;
3. tittrasferixxi awtorizzazzjoni ta’ stazzjon minn fejn jimtela l-petroleum – post kummerċjali;

għandha tapplika bil-miktub lir-Regolatur għas-Servizzi tal-Enerġija u l-Ilma u għandu jkollha fil-pussess tagħha konferma ta’ riċevuta ta’ awtorizzazzjoni maħruġa mir-Regolatur taħt dawn ir-regolamenti qabel ma topera dak l-istazzjon fejn jimtela l-petroleum, u twettaq u teżerċita dik l-attività ta’ servizz.

“Post kummerċjali” tfisser post li ma jkunx miftuħ għall-pubbliku iżda li minnu jitqassam il-karburant għall-vetturi.

Applikanti prospettivi mistiedna jirreferu għall-Mudell ta’ Awtorizzazzjoni għal PFS – Post Kummerċjali sabiex jiksbu idea ċara tal-awtorizzazzjonijiet ta’ dan it-tip li jinħarġu mir-REWS.

Applikazzjoni għall-Ħruġ, Tiġdid jew Trasferiment ta’ Awtorizzazzjoni għal PFS:

Formola Elettronika Stazzjon tal-Petroleum – Post Kummerċjali
Formola Stazzjon tal-Petroleum – Post Kummerċjali (Verżjoni bl-Ingliż) REWS/106/v10-04-06/23
Petroleum Filling Station Commercial Site Form (English Version) REWS/106/v10-04-06/23

Regolamenti dwar il-Petroleum għas-Suq tal-Karburanti bl-Imnut fuq l-Art – L.S. 545.22

Nota: L-applikanti huma mħeġġa biex iqabbdu lil xi ħadd mil-lista ta’ persuni kompetenti fis-settur tal-karburanti sabiex jgħinhom jimlew il-formola(i) tal-applikazzjoni.

1. https://downloads.rews.org.mt/files/f8a770ea-52ee-4cef-b058-5fa61b817c71_b5aa2acf-774f-41b4-9ad3-8273234ae276.xlsxDettalji/numru tal-karta tal-identità jew tal-passaport tal-applikant;
2. F’każ ta’ entità legali, dettalji/numru(i) tal-karta(i) tal-identità jew passaport(i) tar-rappreżentant(i) legali;
3. Firma tal-applikant bl-idejn jew f’każ ta’ entità legali, il-firma(firem) tar-rappreżentant(i) legali tal-entità.

Barra minn hekk, f’każ ta’ applikazzjonijiet għat-trasferiment ta’ Awtorizzazzjoni, id-dettalji hawn fuq imsemmija għandhom jiġu sottomessi wkoll fir-rigward tal-provditur awtorizzat kurrenti.

Għall-applikazzjonijiet kollha:

1. Kopja tal-karta tal-identità jew tal-passaport tal-applikant;
2. F’każ ta’ entità legali, kopji tal-karta(i) tal-identità jew tal-passaport(i) tar-rappreżentant(i) legali;
3. Ċertifikat riċenti (<3 xhur) tal-kondotta tal-applikant, maħruġ mill-Pulizija. F’każ ta’ kumpanija/Organizzazzjoni Legali, jintalbu ċ-ċertifikati tal-kondotta maħruġa mill-Pulizija fir-rigward tad-Diretturi u r-Rappreżentanti Legali kollha.

Barra minn hekk, f’każ ta’ applikazzjonijiet ġodda għal PFS, iridu jiġu sottomessi wkoll id-dokumenti li ġejjin:

1. Pjanta tas-sit fi skala 1:2500 ibbażata fuq l-aktar survey riċenti tal-Awtorità tal-Ippjanar u li turi s-sit propost għall-PFS;
2. Żewġ (2) kopji ta’ Proposta Teknika kkompilata minn persuna kompetenti approvata mir-REWS, u li tindika dan li ġej:
   1. Id-dettalji tad-disinn propost għall-PFS il-ġdida, li għandhom jinkludu dokument tekniku ta’ sostenn fil-format speċifikat mir-REWS, kif ġej:
      1. Dokument tekniku ta’ sostenn – post għall-bejgħ bl-imnut;
      2. Dokument tekniku ta’ sostenn – post kummerċjali;
   2. rapport li jiddiskrivi l-PFS proposta u l-operazzjonijiet assoċjati magħha;
   3. disinni tal-perit tal-installazzjoni proposta (f’daqs minimu A3).

F’każ ta’ applikazzjoni għal:

1. Tiġdid ta’ awtorizzazzjoni eżistenti ta’ PFS jew
2. Trasferiment ta’ awtorizzazzjoni eżistenti ta’ PFS;

għandha tiġi sottomessa d-dokumentazzjoni li ġejja:

1. “Rapport tal-Awditjar dwar Spezzjoni ta’ PFS“ (REWS 100 V13-11-12/23) regolarment ikkompilat u ffirmat minn persuna kompetenti approvata mir-REWS, li jikkonferma li l-istazzjon eżistenti minn fejn jimtela l-petroleum huwa 100% konformi, u li għandu jkun datat mhux iktar minn sena qabel id-data tal-applikazzjoni għat-tiġdid;
2. Kopja tal-iskeda tal-assigurazzjoni u d-dettalji tal-polza tal-assigurazzjoni rispettiva tal-PFS eżistenti.

F’każ li jkunu qed jiġu proposti xi alterazzjonijiet fiżiċi f’PFS eżistenti, trid tiġi sottomessa d-dokumentazzjoni indikata hawn taħt:

1. “Dokument ta’ Sostenn għal Proposta Teknika għad-Disinn/Alterazzjoni Materjali ta’ PFS.” (REWS 124 V8-06-05/22)

Wara li jkun inħareġ permess preliminari mir-Regolatur, u hekk kif eventwalment ikun hemm l-approvazzjoni tal-Awtorità tal-Ippjanar għall-PFS il-ġdida, aktar dokumentazzjoni tkun trid tiġi sottomessa lir-REWS wara li titlesta l-kostruzzjoni tal-installazzjoni u qabel ma tinħareġ l-awtorizzazzjoni finali, kif ġej:

1. Kopja tal-Permess Approvat maħruġ mill-Awtorità tal-Ippjanar fir-rigward tal-PFS;
2. Kopja tal-iskeda tal-assigurazzjoni u d-dettalji tal-polza tal-assigurazzjoni rispettiva, li tindika l-livell ta’ kopertura għar-responsabbiltà lejn terzi persuni fil-konfront ta’ ħsara fuq il-persuna u ħsara lill-proprjetà kkawżati mill-ħżin tal-karburanti u l-operazzjonijiet assoċjati tal-istazzjon minn fejn jimtela l-petroleum;
3. Iċ-ċertifikati mitluba fil–Formola dwar Dokumenti Meħtieġa għal Żvilupp Ġdid ta’ Stazzjon tal-Petroleum; (REWS 195 v4-04/05/22)
4. Il-formola “Splash Load Request for Petroleum Filling Station”; (REWS 125 v6 05-05/22)
5. Rapport tal-Kummissjonar (REWS 126 v5-03-06/23) magħmul minn Persuna Kompetenti Approvata mir-REWS fir-rigward tal-PFS.

Għaż-żewġ tipi ta’ PFS, kemm dawk tal-bejgħ bl-imnut kif ukoll dawk kummerċjali, it-tariffi applikabbli huma kif ġej:

• Tariffa tal-applikazzjoni, mhix rifondibbli, ta’ €500 (ħames mitt ewro);
• Tariffa annwali tal-awtorizzazzjoni ta’ €500 (ħames mitt ewro), kif ukoll €50 (ħamsin ewro) għal kull żennuna.

Ir-regolament 33 tar-Regolamenti dwar il-Petroleum għas-Suq tal-Karburanti bl-Imnut fuq l-Art jistabbilixxi li jekk persuna twettaq xi reat kontra dawn ir-regolamenti, meta tinstab ħatja tista’ teħel priġunerija għal perjodu ta’ mhux iktar minn tmintax-il-xahar, jew multa ta’ mhux aktar minn disgħa u sittin elf ewro (€69,000), jew ta’ elf u tliet mitt ewro (€1,300) għal kull jum li fih jibqa’ għaddej ir-reat, jew tali multa u priġunerija flimkien.

Barra minn hekk, l-Att dwar ir-Regolatur għas-Servizzi tal-Enerġija u l-Ilma jipprovdi li:

1. kwalunkwe persuna li twettaq tali attività mingħajr liċenzja jew taġixxi bi ksur ta’ xi kundizzjoni tal-liċenzja tkun ħatja ta’ reat u teħel, meta tinstab ħatja, multa ta’ mhux iżjed minn mija u ħmistax-il elf ewro (€115,000) jew priġunerija għal żmien ta’ mhux iżjed minn sentejn, jew tali multa u priġunerija flimkien.
2. ir-Regolatur jista’ jimponi penali amministrattiva fuq kwalunkwe persuna li tikser xi dispożizzjoni tal-Att jew tar-regolamenti magħmulin taħtu jew ta’ kwalunkwe liġi oħra li r-Regolatur għandu jedd jinforza, jew li tonqos milli tikkonforma ruħha ma’ xi direttiva jew deċiżjoni mogħtija mir-Regolatur, jew li tonqos milli tosserva kwalunkwe kundizzjoni ta’ xi awtorizzazzjoni mogħtija taħt l-Att. Din il-multa amministrattiva m’għandhiex teċċedi:
   1. mitt elf ewro (€100,000) għal kull kontravenzjoni u, jew sitt mitt ewro (€600) għal kull jum ta’ nuqqas ta’ konformità, mid-data tad-deċiżjoni mogħtija mir-Regolatur; u, jew
   2. f’każ ta’ intrapriża (inkluż intrapriża integrata vertikalment) jew korp ġuridiku, sa 10% tad-dħul totali kkonċernat fis-sena finanzjarja preċedenti. Madankollu, f’każ ta’ intrapriża, inkluż intrapriża integrata vertikalment jew korp ġuridiku, tista’ fi kwalunkwe każ tiġi imposta multa sa 10% tad-dħul annwali kkonċernat fis-sena finanzjarja preċedenti, liema ammont jeċċedi mitt elf ewro (€100,000).

Fil-każ ta’ applikazzjoni għal PFS ġdida, ir-regolament 9 tar-Regolamenti dwar il-Petroleum għas-Suq tal-Karburanti bl-Imnut fuq l-Art jistabbilixxi li r-Regolatur għandu jikkomunika mal-applikant bil-miktub fi żmien raġonevoli, li m’għandux ikun ta’ aktar minn sitt xhur mid-data meta tasal għandu applikazzjoni valida.

Fil-każ ta’ applikazzjoni għal tiġdid, ir-regolament 10 jistabbilixxi li applikazzjoni biex tiġġedded awtorizzazzjoni għandha tiġi sottomessa bil-miktub lir-Regolatur, bil-mod kif ir-Regolatur jista’ jirrikjedi, sitt xhur qabel id-data li fiha tkun se tiskadi l-awtorizzazzjoni.

Ir-Regolamenti dwar il-Petroleum għas-Suq tal-Karburanti bl-Imnut fuq l-Art jistabbilixxu wkoll li, f’każ li r-Regolatur jonqos milli jinforma lill-applikant dwar kwalunkwe deċiżjoni meħuda li tikkonċerna aċċess għal xi attività ta’ servizz jew l-eżerċizzju tagħha, inkluż ir-rifjut jew l-irtirar ta’ xi awtorizzazzjoni, dan bl-ebda mod m’għandu jfisser li r-Regolatur ikun approva dik l-awtorizzazzjoni b’mod taċitu u li l-applikant ikun awtomatikament ġie mogħti aċċess biex iwettaq jew jeżerċita xi attività ta’ servizz.

Kull deċiżjoni li tittieħed mir-Regolatur, inkluż ċaħda ta’ applikazzjoni jew irtirar ta’ awtorizzazzjoni, tista’ tkun soġġetta għal appell quddiem it-Tribunal ta’ Reviżjoni Amministrattiva mwaqqaf bl-artikolu 5 tal-Att Dwar l-Amministrazzjoni tal-Ġustizzja u d-dispożizzjonijiet tal-artikolu 14 tar-Regolamenti dwar il-Petroleum għas-Suq tal-Karburanti bl-Imnut fuq l-Art – L.S. 545.22.

Tista’ tissottometti l-formola tal-applikazzjoni flimkien mad-dokumentazzjoni kollha relatata u l-pagamenti relevanti msemmija fil-formola tal-applikazzjoni, bil-posta jew inkella bl-idejn indirizzata lil:

Ir-Regolatur għas-Servizzi tal-Enerġija u l-Ilma,
Zentrum Business Centre, Livell 1
Triq l-Imdina
Ħal Qormi QRM 9010
Malta