2023 Skema RIDG (Retrofitting)
1.1: Applikazzjoni – Parti A – 2023 Skema Roof Insulation u Ħġieġ Doppju (Retrofitting)
L-iskema tar-Roof Insulation (retrofitting) u ħġieġ doppju (retrofitting) hija amministrata mir-Regolatur għas-Servizzi tal-Enerġija u l-Ilma, bil-ħsieb li tinkoraġġixxi l-użu ta’ sistemi li jnaqqsu l-konsum tal-enerġija fis-settur domestiku. Din l-iskema hija ffinanzjata minn fondi nazzjonali, u tapplika għal individwi privati (persuni fiżiċi) għal użu fil-proprejtà residenzjali tagħhom, u għal organizzazzjonijiet li ma jwettqux attività ekonomika.
Din l-iskema tnehdiet permezz tal-Avviż tal-Gvern numru 1540 tas-sena 2023.
Din l-iskema ġiet estiża permezz tal-Avviż tal-Gvern numru 18 tas-sena 2024.
Din l-iskema ġiet estiża sal-31 ta’ Diċembru 2025 permezz tal-Avviż tal-Gvern numru 003 tas-sena 2025.
Applikanti prospettivi huma mistiedna jikkonsultaw il-Linji Gwida għall-Applikanti, li tħejjew sabiex jgħinu lill-applikanti biex jimlew il-formola tal-applikazzjoni għal għotja fuq materjal ta’ Roof Insulation u Ħġieġ Doppju.
L-applikazzjoni hija maqsuma f’żewġ partijiet. L-applikanti għandhom jimlew Parti A tal-applikazzjoni bid-dettalji personali tagħhom. Parti A għandha tiġi mimlija u sottomessa lil REWS, qabel ix-xiri u l-installazzjoni tat-tagħmir. L-applikanti huma wkoll meħtieġa li jistennew l-ittra ta’ konferma tal-fondi maħruġa minn REWS, li tindika li l-applikazzjoni tagħhom ġiet aċċettata qabel ix-xiri u l-installazzjoni tal-materjal.
2023 Skema ta’ Roof Insulation u Ħġieġ Doppju (retrofitting)
• Parti A għandha timtela’ qabel ix-xiri tal-materjal ta’ Roof Insulation u Ħġieġ Doppju. Agħfas għal applikazzjoni onlajn.
1.2: Applikazzjoni – Parti B – 2023 Skema ta’ Roof Insulation u Ħġieġ Doppju (Retrofitting)
Hekk kif il-materjal jiġi installat, l-applikanti għandhom jissottomettu Parti B tal-applikazzjoni flimkien mad-dokumenti kollha meħtieġa.
2023 Skema ta’ Roof Insulation u Ħġieġ Doppju (retrofitting)
• Parti B għandha timtela wara li ssir l-installazzjoni tal-materjal ta’ Roof Insulation u Ħġieġ Doppju. Agħfas għal applikazzjoni onlajn.
- Dettalji tal-Karta tal-Identità jew Dokument ta’ Residenza;
- Firma tal-applikant bl-idejn, meħtieġa fuq il-formola tal-applikazzjoni;
- Kont tad-Dawl u l-Ilma komplut fir-rigward tal-post fejn ser isir il-proġett maħruġ fl-aħħar 12-xahar. L-Iskema tal-Konsumatur għandha tkun jew ‘Residenzjali’ jew ‘Domestiku’.
- Kopja tal-Karta tal-Identità jew id-Dokument ta’ Residenza tal-applikant;
- Kopja tal-kont tad-Dawl u l-Ilma maħruġ mill-ARMS Ltd. fir-rigward tal-post fejn ser isir il-proġett f’isem l-applikant;
- Kopja tal-kuntratt tal-kiri tal-proprjetà fejn il-materjal ġie installat (jekk applikabbli);
- Irċevuti oriġinali fiskali;
- Kopja tal-fattura/i;
- Ritratti li juru l-materjal/l-aperturi preċedenti u ritratti li juru l-materjal / l-aperturi ġodda;
- Kopja tal-permess tal-PA (fejn rikjest);
- Kopja ta’ ħames (5) snin garanzija;
- Ċertifikat ta’ tlestija maħruġ mill-perit jew l-installatur;
- Formola tal-applikazzjoni ffirmata.
Mhux applikabbli
Mhux applikabbli
Il-liġi ma tistabbilixix perjodu speċifiku sabiex jiġu proċessati l-applikazzjonijiet. Ġeneralment, applikazzjoni tiġi determinata mir-Regolatur fi żmien 5 ġimgħat minn meta tiġi sottomessa l-formola tal-applikazzjoni kompluta.
Min-naħa tal-applikant, hemm perjodu ta’ sitt (6) xhur mid-data ta’ konferma tal-aċċetazzjoni tal-għotja sabiex issir l-installazzjoni, jitħallas il-materjal u tiġi sottomessa l-applikazzjoni Parti B kif ukoll id-dokumentazzjoni kollha relatata meħtieġa. Nuqqas biex tinstalla u / jew nuqqas biex tissottometti l-applikazzjoni Parti B u d-dokumentazzjoni kollha relatata tista’ twassal għall-irtirar tal-offerta tal-għotja.
Ġeneralment, il-Liġi Amministrattiva ta’ Malta tistabbilixxi li n-nuqqas ta’ tweġiba titqies bħala ekwivalenti għal ċaħda u l-applikant għandu d-dritt ta’ appell.
Kull deċiżjoni li tittieħed mir-Regolatur, inkluż ċaħda ta’ applikazzjoni jew irtirar ta’ awtorizzazzjoni jew liċenzja, tista’ tkun soġġetta għal appell quddiem il-Kumitat ta’ Reviżjoni jew għal kwalunkwe mezz ieħor ta’ rimedju stabbilit mil-Liġi.
Tista’ tissottometti l-formola tal-applikazzjoni flimkien mad-dokumentazzjoni kollha meħtieġa bil-posta jew bl-idejn indirizzata:
Ir-Regolatur għas-Servizzi tal-Enerġija u l-Ilma,
Zentrum Business Centre, Level 1,
Triq l-Imdina,
Ħal Qormi, QRM 9010
Malta.
