2025 Skema ta’ Sorsi ta’ Enerġija Rinnovabbli
L-iskema RES, hija amminstrata mir-Regolatur għas-Servizzi tal-Enerġija u l-Ilma, bil-ħsieb li tinkoraġġixxi iktar l-użu aħjar ta’ enerġija rinnovabbli, iġġenerata fil-pajjiż. Din l-iskema hija ffinanzjata minn fondi nazzjonali, u tapplika għal individwi privati (persuni fiżiċi), għal użu ta’ tagħmir fil-propjetà residenzjali tagħhom, u għal organizzazzjonijiet li ma jwettqux attività ekonomika, sakemm l-installazzjoni fotovoltajika, m’għandu jkollha l-ebda allokazzjoni attiva ta’ feed-in tariff. Jekk is-sistema fotovoltajika installata jkollha allokata feed-in tariff, il-perjodu ta’ garanzija għandu jkun skadut.
Din l-iskema tnehdiet permezz tal-Avviż tal-Gvern numru 319 tas-sena 2025.
Applikanti prospettivi huma mistiedna jikkonsultaw il-Linji Gwida għall-Applikanti, li tħejjew sabiex jgħinu lill-applikanti biex jimlew il-formola tal-applikazzjoni għal għotja ta’ Sistema RES.
Il-formola tal-applikazzjoni hija maqsuma f’żewġ partijiet. L-applikanti għandhom jimlew Parti A tal-applikazzjoni bid-dettalji personali tagħhom. Parti A għandha tiġi mimlija u sottomessa lil REWS, qabel ma jinxtara u jiġi installat it-tagħmir.
Skema 2025 RES – Parti A għandha timtela’ qabel jinxtara t-tagħmir. Aċċessa l-applikazzjoni online.
Hekk kif it-tagħmir jiġi installat u kkummisjonat, l-applikanti għandhom jissottomettu Parti B tal-applikazzjoni flimkien mad-dokumenti kollha meħtieġa.
Skema 2025 RES – Parti B għandha timtela’ wara li ssir l-installazzjoni u l-kummisjonar. Aċċessa l-applikazzjoni online.
Avviż tal-Gvern numru 319 tas-sena 2025.
Linji Gwida għall-Applikanti
RES 2025 Scheme – Preżentazzjoni b’informazzjoni miżjuda
Lista ta’ perċentwali ta’ għajnuna:
- Għażla A – Sistema fotovoltajika bi standard solar inverter: 50% tal-infiq eliġibbli sa massimu ta’ 2,500 Euro kull sistema u Euro 625 kull kWp.
- Għażla B – Sistema fotovoltajika b’ inverter hybrid: 50% tal-infiq eliġibbli sa massimu ta’ 3,000 Euro kull sistema u Euro 750 kull kWp.
- Għażla Ċ – Hybrid/Battery inverter u sistema ta’ batterija għall-ħażna tal-enerġija rinnovabbli: 80% tal-infiq eliġibbli tas-sistema tal-batterija sa massimu ta’ 7,200 Euro kull sistema u Euro 720 kull kWh u 80% tal-infiq eliġibbli tal-Hybrid inverter sa massimu ta’ 1,800 Euro kull sistema u Euro 450 kull kWp.
- Għażla D -. Sistema ta’ Batterija għall-ħażna tal-enerġija rinnovabbli: 80% tal-infiq eliġibbli tas-sistema tal-batterija sa massimu ta’ 7,200 Euro kull sistema u Euro 720 kull kWh.
Sidien ta’ sistemi installati fuq postijiet residenzjali (anke dawk li ma bbenefikaw minn ebda għajnuna fuq xi Sistema tal-Panelli jiġifieri la Feed-in Tariff jew Għotja) u ilhom imqabbda mal-grid għallinqas sitt snin jistgħu japplikaw għal preferenza Ċ.
L-applikant, meta japplika għal għażla B, jista’ japplika wkoll għal għażla D.
Għal għażiet Ċ u D, f’ kas li l-installazjoni tkun ser issir f’Ghawdex, l-ammont ta’ għajnuna relatat mal-Batterija ser jizdied għal 95% tal-infiq eliġibbli tas-sistema tal-batterija sa massimu ta’ 8,550 Euro kull sistema u Euro 855 kull kWh.
1. Dettalji tal-Karta tal-Identità jew Dokument ta’ Residenza;
2. Firma tal-applikant bl-idejn, meħtieġa fuq il-formola tal-applikazzjoni;
3. Kont tad-Dawl maħruġ mill-ARMS Ltd fir-rigward tal-post fejn ser isir il-proġett, f’isem l-applikant.
1. Kopja tal-Karta tal-Identità jew id-Dokument ta’ Residenza tal-applikant;
2. Kopja tal-kont tad-Dawl maħruġ mill-ARMS Ltd fir-rigward tal-post fejn ser isir il-proġett, f’isem l-applikant;
3. Irċevuta/i fiskali oriġinali;
4. Kopja tal-fattura/i;
5. Ritratti tal-plakki tal-klassifikazzjoni tat-teknoloġiji installati;
6. Ritratti tas-sit tal-installazzjoni;
7. Kopja tal-permess tal-Awtorità tal-Ippjanar (fejn meħtieġ);
8. Ċertifikat tal-kummissjonar maħruġ minn inġinieri elettriku bil-warrant;
9. Formola tal-applikazzjoni ffirmata.
Mhux applikabbli.
Mhux applikabbli.
Il-liġi ma tistabbilixix perjodu speċifiku sabiex jiġu proċessati l-applikazzjonijiet. Ġeneralment, applikazzjoni tiġi determinata mir-Regolatur fi żmien ħames (5) ġimgħat minn meta tiġi sottomessa l-formola tal-applikazzjoni kompluta.
Min-naħa tal-applikant, hemm perjodu ta’ 8 xhur li matulhom trid issir l-installazzjoni u l-kummisjonar tas-sistema, inkluż is-sottomissjoni ta’ Parti B kif ukoll id-dokumentazzjoni kollha relatata meħtieġa.
Ġeneralment, il-Liġi Amministrattiva ta’ Malta tistabbilixxi li n-nuqqas ta’ tweġiba titqies bħala ekwivalenti għal ċaħda u l-applikant għandu d-dritt ta’ appell.
Kull deċiżjoni li tittieħed mir-Regolatur, inkluż ċaħda ta’ applikazzjoni jew irtirar ta’ awtorizzazzjoni jew liċenzja, tista’ tkun soġġetta għal appell quddiem il-Kumitat ta’ Reviżjoni jew għal kwalunkwe mezz ieħor ta’ rimedju stabbilit mil-Liġi.
Tista’ tissottometti l-formola tal-applikazzjoni flimkien mad-dokumentazzjoni kollha meħtieġa mal-formola tal-applikazzjoni bil-posta jew bl-idejn indirizzata lil:
Ir-Regolatur għas-Servizzi tal-Enerġija u l-Ilma,
Zentrum Business Centre, Level 1,
Triq l-Imdina,
Ħal Qormi, QRM 9010
Malta.
