2021 Skema ta’ Sorsi ta’ Enerġija Rinovabbli (Aċċettati biss il-Parti B tal-applikazzjoni)

2021 Skema ta’ Sorsi ta’ Enerġija Rinovabbli (Aċċettati biss il-Parti B tal-applikazzjoni)

L-iskema RES, hija amminstrata mir-Regolatur għas-Servizzi tal-Enerġija u l-Ilma, bil-ħsieb li tinkoraġġixxi iktar l-użu aħjar ta’ enerġija rinnovabbli, iġġenerata fil-pajjiż. Din l-iskema hija ffinanzjata minn fondi nazzjonali, u tapplika għal individwi privati (persuni fiżiċi), għal użu ta’ tagħmir fil-proprejtà residenzjali tagħhom, u għal organizzazzjonijiet li ma jwettqux attività ekonomika. Is-sistema fotovoltajika installata, m’għandux ikollha allokazzjoni attiva ta’ feed-in tariff. Jekk is-sistema fotovoltajika installata jkollha allokata feed-in tarrif, il-perjodu ta’ garanzija għandu jkun skadut.

Din l-iskema tnehdiet permezz tal-Avviż tal-Gvern numru 302 tas-sena 2021.

Din l-iskema ġiet estiża sal-31 ta’ Diċembru 2022 permezz tal-Avviż tal-Gvern numru 1666 tas-sena 2021.

Din l-iskema ġiet estiża sal-31 ta’ Diċembru 2023 permezz tal-Avviż tal-Gvern numru 1774 tas-sena 2022

Applikanti prospettivi huma mistiedna jikkonsultaw il-Linji Gwida għall-Applikanti, li tħejjew sabiex jgħinu lill- applikanti biex jimlew il-formola tal-applikazzjoni għal għotja għal Sistema RES.

Fil-każ li l-applikazzjoni tiġi aċċettata, l-applikant hu intitolat għal:

Għażla A – Sistema tal-pannelli b’inverter standard: 50% tal-ispiża eliġibbli b’massimu ta’ €2,500 għal kull Sistema u €625/kWp
Għażla B – Sistema tal-pannelli bil-hybrid inverter: 50% tal-ispiża eliġibbli b’massimu ta’ €3,000 għal kull Sistema u €750/kWp
Għażla Ċ – Inverter Hybrid/Battery u Batterija: 80% tal-ispiża eliġibbli tal-ħażna tal-batterija sa massimu ta’ €3,600 kull sistema u €600/kWh flimkien ma’ 80% tal-ispiża eliġibbli tal-Hybrid inverter sa massimu ta’ €1,800 għal kull Sistema u €450/kWp.
Għażla D – Ħażna ta’ batterija biss: 80% tal-ispiża eliġibbli tal-ħażna tal-batterija sa massimu ta’ €3,600 kull sistema €600/kWh

Meta l-applikant jagħżel preferenza B jista’ japplika wkoll għal preferenza D.

• Sidien ta’ sistemi installati fuq postijiet residenzjali (anke dawk li ma bbenefikaw minn ebda għajnuna fuq xi Sistema tal-Panelli jiġifieri la Feed-in Tariff jew Għotja) u ilhom imqabbda mal-grid għallinqas sitt snin jistgħu japplikaw għal preferenza C
• Kull min għandu sistema installata fuq residenza u mqabbad mal-grid jista’ japplika għal preferenza D

Il-formola tal-applikazzjoni hija maqsuma f’żewġ partijiet. L-applikanti għandhom jimlew Parti A tal-applikazzjoni bid-dettalji personali tagħhom. Parti A għandha tiġi mimlija u sottomessa lil REWS, qabel ma jinxtara u jiġi installat it-tagħmir.

Skema 2021 RES

• Parti A għandha timtela’ qabel jinxtara t-tagħmir   (Nixtieq ninfurmak illi bħalissa din l-iskema hija magħluqa, qed jiġu aċċettati biss il-Parti B tal-aplikazzjoni)

Malli t-tagħmir jiġi installat u kkummisjonat, l-applikanti għandhom jissottomettu Parti B tal-applikazzjoni flimkien mad-dokumenti kollha meħtieġa.

Skema 2021 RES

• Parti B għandha timtela wara li ssir l-installazzjoni u l-kummisjonar   Agħfas għall-applikazzjoni Online

• Avviż tal-Gvern numru 302 tas-sena 2021
• Avviż tal-Gvern numru 1666 tas-sena 2021

1. Dettalji tal-Karta tal-Identità jew id-Dokument ta’ Residenza tal-applikant;
2. Firma tal-applikant bl-idejn, meħtieġa fuq il-formola tal-applikazzjoni;
3. Kont tad-Dawl u l-Ilma maħruġ mill-ARMS Ltd. fir-rigward tal-post fejn ser isir il-proġett.

Għal Parti A

1. Kopja tal-Karta tal-Identità jew id-Dokument ta’ Residenza tal-applikant;
2. Kopja tal-kont tad-Dawl u l-Ilma maħruġ mill-ARMS Ltd. fir-rigward tal-post fejn ser isir il-proġett;
3. Stima tat-tagħmir;
4. Ritratti tas-sit tal-installazzjonil;
5. Formola tal-applikazzjoni ffirmata.

Għal Parti B

1. Irċevuti fiskali oriġinali;
2. Kopja tal-fattura;
3. Ritratti tal- plakki tal-klassifikazzjoni tat-teknoloġiji installati;
4. Ritratti tas-sit tal-installazzjoni;
5. Kopja tal-permess tal-Awtorità tal-Ippjanar (fejn meħtieġ);
6. Formola tal-Awtorità tal-Ippjanar;
7. Ċertifikat tal-kummissjonar maħruġ minn inġinieri elettriku bil-warrant;

Formola tal-applikazzjoni ffirmata

Mhux applikabbli

Mhux applikabbli

Il-liġi ma tistabbilixix perjodu speċifiku sabiex jiġu proċessati l-applikazzjonijiet. Ġeneralment, applikazzjoni tiġi determinata mir-Regolatur fi żmien 5 ġimgħat minn meta tiġi sottomessa l-formola tal-applikazzjoni kompluta.

Min-naħa tal-applikant, hemm perjodu ta’ 6 xhur li matulhom trid issir l-installazzjoni u l-kummisjonar tas-sistema, inkluż is-sottomissjoni ta’ Parti B kif ukoll id-dokumentazzjoni kollha relatata meħtieġa.

Ġeneralment, il-Liġi Amministrattiva ta’ Malta tistabbilixxi li n-nuqqas ta’ tweġiba titqies bħala ekwivalenti għal ċaħda u l-applikant għandu d-dritt ta’ appell

Kull deċiżjoni li tittieħed mir-Regolatur, inkluż ċaħda ta’ applikazzjoni jew irtirar ta’ awtorizzazzjoni jew liċenzja, tista’ tkun soġġetta għal appell quddiem il-Kumitat ta’ Reviżjoni jew għal kwalunkwe mezz ieħor ta’ rimedju stabbilit mil-liġi.

Tista’ tissottometti l-formola tal-applikazzjoni flimkien mad-dokumentazzjoni kollha meħtieġa u relatata mal-formola tal-applikazzjoni bil-posta jew bl-idejn indirizzata lil: Ir-Regolatur għas-Servizzi tal-Enerġija u l-Ilma,

Zentrum Business Centre, Livell 1

Triq l-Imdina

Ħal Qormi QRM 9010

Malta