Skema tal-2018 tar-Restawr ta’ Bjar Domestiċi
L-iskema tar-Restawr ta’ Bjar Domestiċi hi amministrata mir-Regolatur għas-Servizzi tal-Enerġija u l-Ilma bil-ħsieb li tinkoraġġixxi aktar il-ġbir u l-użu tal-ilma tax-xita fis-settur domestiku. Din l-iskema hi ffinanzjata minn fondi nazzjonali u tapplika għal individwi privati (persuni fiżiċi) għall-użu fil-proprjetà residenzjali tagħhom, u għal organizzazzjonijiet li ma jwettqux attività ekonomika.
Din l-iskema tnediet permezz tal-Avviż tal-Gvern numru 526 tal-2018 u emendata permezz tal-Avviż tal-Gvern numru 13 tal-2021.
Din l-iskema ġiet estiża sal-31 ta’ Diċembru 2022 bl-Avviż tal-Gvern numru 1667 tal-2021.
Din l-iskema ġiet estiża sal-31 ta’ Diċembru 2023 bl-Avviż tal-Gvern numru 1773 tas-sena 2022
Din l-iskema ġiet estiża sal-31 ta’ Diċembru 2024 bl-Avviż tal-Gvern numru 17 tas-sena 2024
Din l-iskema ġiet estiża sal-31 ta’ Diċembru 2025 permezz tal-Avviż tal-Gvern numru 002 tas-sena 2025.
Applikanti prospettivi huma mistiedna jikkonsultaw il-Linji Gwida għall-Applikanti li tħejjew bħala għajnuna biex timtela l-formola ta’ applikazzjoni għal għotja fuq bjar domestiċi.
Il-formola ta’ applikazzjoni hi maqsuma f’żewġ partijiet. L-applikanti għandhom jimlew Parti A tal-applikazzjoni bid-dettalji personali tagħhom. Parti A għandha tiġi mimlija u sottomessa lir-REWS qabel ma jsir ix-xogħol tar-restawr.
Skema tal-2018 tar-Restawr ta’ Bjar Domestiċi
- Parti A li trid timtela qabel ma jsir ix-xogħol: Ħolqa għal Applikazzjoni Online
Malli jitlesta x-xogħol ta’ restawr, l-applikanti huma mitluba jissottomettu Parti B tal-applikazzjoni flimkien mad-dokumentazzjoni kollha meħtieġa.
Skema tal-2018 tar-Restawr ta’ Bjar Domestiċi
- Parti B li trid timtela wara l-installazzjoni u l-kummissjonar: Ħolqa għall-Applikazzjoni Online
- Avviż tal-Gvern numru 526 tal-2018
- Avviż tal-Gvern numru 13 tal-2021
- Avviż tal-Gvern numru 1667 tal-2021
- Dettalji tal-karta tal-identità jew id-dokument ta’ residenza tal-applikant;
- Firma tal-applikant bl-idejn meħtieġa fuq il-formola tal-applikazzjoni;
- Kont tal-ilma maħruġ mill-ARMS Ltd. fir-rigward tal-post fejn se jsir il-proġett.
Għal Parti A
- Kopja tal-karta tal-identità jew id-dokument ta’ residenza tal-applikant;
- Kopja tal-kont tal-ilma maħruġ mill-ARMS Ltd. fir-rigward tal-post fejn se jsir il-proġett;
- Formola tal-applikazzjoni ffirmata.
Għal Parti B
- Irċevuti fiskali oriġinali;
- Ritratti tas-sit tal-installazzjoni qabel u wara x-xogħlijiet;
- Ċertifikazzjoni tax-xogħol ta’ restawr maħruġa minn perit u ċertifikazzjoni tas-sistema tal-ilma tat-tieni klassi maħruġa minn perit jew inġinier;
- Formola tal-applikazzjoni ffirmata.
Mhux applikabbli
Mhux applikabbli
Il-liġi ma tistabbilix perjodu speċifiku biex jiġu pproċessati l-applikazzjonijiet. Ġeneralment, applikazzjoni tiġi determinata mir-Regolatur fi żmien ħames (5) ġimgħat minn meta tiġi sottomessa formola ta’ applikazzjoni kompluta.
Min-naħa tal-applikant hemm perjodu ta’ tnax-il xahar li matulhom iridu jsiru x-xogħlijiet ta’ restawr, inkluż is-sottomissjoni ta’ Parti B u d-dokumentazzjoni kollha relatata.
Ġeneralment, il-Liġi Amministrattiva ta’ Malta tistabbilixxi li n-nuqqas ta’ tweġiba titqies bħala ekwivalenti għal ċaħda u l-applikant għandu d-dritt ta’ appell.
Kull deċiżjoni li tittieħed mir-Regolatur, inkluż ċaħda ta’ applikazzjoni jew irtirar ta’ awtorizzazzjoni jew liċenzja, tista’ tkun soġġetta għal appell quddiem il-Kumitat ta’ Reviżjoni jew għal kwalunkwe mezz ieħor ta’ rimedju stabbilit mil-liġi.
Tista’ tissottometti l-formola tal-applikazzjoni flimkien mad-dokumentazzjoni kollha relatata mal-formola tal-applikazzjoni, bil-posta jew inkella bl-idejn indirizzata lil:
Ir-Regolatur għas-Servizzi tal-Enerġija u l-Ilma,
Zentrum Business Centre, Livell 1
Triq l-Imdina
Ħal Qormi QRM 9010
Malta
