Skema tal-2021 PV VO Scheme (Magħluqa)

Skema tal-2021 PV VO Scheme (Magħluqa)

L-iskema tal-Pannelli Solari Fotovoltajċi għal Għaqdiet Volontarji hi skema amministrata mill-Ministru għall-Enerġija, l-Intrapriża u l-Iżvilupp Sostenibbli (MESD) bil-ħsieb li tinkoraġġixxi l-użu tal-enerġija rinovabbli. Din l-iskema hi ffinanzjata minn fondi nazzjonali u tapplika għal Għaqdiet Volontarji registrati u konformi kif imfissra fl-Att dwar l-Organizzazzjonijiet Volontarji (Kap. 492).

Din l-iskema tnediet permezz tal-Avviż tal-Gvern numru 1293 tal-2021.

Applikanti prospettivi huma mistiedna jikkonsultaw il-Linji Gwida għall-Applikanti li tħejjew bħala għajnuna biex timtela l-formola t’applikazzjoni għal għotja fuq Sistema Fotovoltajka.

Skema tal-2021 PV VO Scheme (it-tielet sejħa)

Formola tal-Applikazzjoni

• Avviż tal-Gvern numru 1293 tal-2021
• Avviż tal-Gvern numru 1406 tal-2021
• Linji Gwida għall-Applikanti

1. Dettalji tal-karta tal-identità jew id-dokument ta’ residenza tal-applikant;
2. Kopja taċ-ċertifikat ta’ reġistrazzjoni tal-VO u taċ-ċertifikat ta’ konformità;
3. Firma awtentika tal-applikant meħtieġa fuq il-formola tal-applikazzjoni;
4. Kont tad-dawl u l-ilma maħruġ mill-ARMS fir-rigward tal-post fejn ser issir l-installazzjoni.

1. Kopja taċ-ċertifikat ta’ reġistrazzjoni tal-VO u taċ-ċertifikat ta’ konformità;
2. Kopja tal-att kostituttiv jew statut ta’ l-organizzazzjoni;
3. Kopja ċċertifikata tar-riżoluzzjoni tal-organizzazzjoni biex tagħti s-setgħa lill-firmatarju ta’ din l-applikazzjoni biex taġixxi f’isimha (applikabbli meta l-persuna tkun differenti minn dik iddikjarata fl-istatut tal-VO)
4. Kopja tal-karta tal-identità / Passaport tal-firmatarju/i;
5. Kopja tal-kont tad-dawl u l-ilma maħruġ mill-ARMS fir-rigward tal-post fejn se jsir il-proġett;
6. Ritratti tas-sit ta’ installazzjoni;
7. Kopja tal-permess tal-ippjanar approvat (jekk applikabbli) komplut bi tpinġijiet relatati;
8. Formola tal-applikazzjoni ffirmata.

Mhux applikabbli

Mhux applikabbli

Il-liġi ma tistabbilix perjodu speċifiku biex jiġu pproċessati l-applikazzjonijiet. Ġeneralment, applikazzjoni tiġi determinata mil-Ministeru fi żmien 10 ġimgħat minn meta tiġi sottomessa formola ta’ applikazzjoni kompluta

Ġeneralment, il-Liġi Amministrattiva ta’ Malta tistabbilixxi li n-nuqqas ta’ tweġiba titqies bħala ekwivalenti ta’ ċaħda u l-applikant għandu dritt jappella.

Kull deċiżjoni li tittieħed mir-Regolatur, jew il-Ministeru (MESD), inkluż ċaħda ta’ applikazzjoni, tista’ tkun suġġetta għal appell u kwalunkwe mezz ieħor ta’ rimedju stabbilit mil-liġi

Tista’ tissottometti l-formola tal-applikazzjoni flimkien mad-dokumentazzjoni kollha relatata mal-formola tal-applikazzjoni, bil-posta jew inkella bl-idejn indirizzata lil:

Ir-Regolatur għas-Servizzi tal-Enerġija u l-Ilma,

Zentrum Business Centre, Livell 1

Triq l-Imdina

Ħal Qormi QRM 9010